2024 елның 25 апрелендә Югары Ослан муниципаль районында «Кече һәм урта эшмәкәрлек» илкүләм проектын гамәлгә ашыру кысаларында Татарстан Республикасы Югары Ослан муниципаль районы башлыгы урынбасары Сергей Осянин, Татарстан Республикасы Гарантия фонды, Татарстан Республикасы эшмәкәрлекне яклау фонды, Татарстан Республикасы экспортны яклау үзәге, Татарстан Республикасы дәүләт заказы буенча агентлыгы, Россия Федерациясе Федераль салым хезмәтенең Татарстан Республикасы буенча 3 нче идарәсе һәм Татарстан Республикасы Дәүләт инспекциясе вәкилләре катнашында эшмәкәрләр бергәлеге белән очрашу узды.
Эшлекле очрашу кысаларында кече һәм урта эшмәкәрлек субъектларына ярдәм итүнең федераль һәм республика чаралары, алкоголь һәм спиртлы продукцияне ваклап сату өлкәсендә хокук куллану һәм административ практика мәсьәләләре, шулай ук Россия Федераль салым хезмәтенең электрон хезмәтләреннән файдалану мәсьәләләре, салым органы һәм индивидуаль эшмәкәрләр арасында электрон документ әйләнешен куллану өлешендә фикер алыштылар.
Татарстан Республикасы Гарантия фондының Бердәм кредитлау үзәге башлыгы Светлана Боброва Югары Ослан районының бизнес - бергәлеген микро, кече һәм урта предприятиеләргә карый торган, хезмәткәрләре махсус хәрби операциядә катнашу өчен контракт буенча хәрби хезмәткә юнәлтелгән МСП субъектлары өчен «СВОга ярдәм» яңа гарантия продукты, ислам финанславы кысаларында Татарстан Республикасының Гарантия фонды тарафыннан эшләнгән "Даман" яңа гарантия продукты, МСП субъектлары өчен ташламалы кредитлау программалары һәм кредитлар, банк гарантияләре һәм лизинг килешүләре буенча Татарстан Республикасы Гарантия фонды тарафыннан поручительлек бирелү шартлары белән таныштырды.
Исегезгә төшерәбез, Татарстан Республикасының Гарантия фонды финанс оешмасы бәяләве буенча тотрыклы финанс хәленә ия булган, ләкин җитәрлек залог белән тәэмин ителмәгән эшмәкәрләргә заем (кредит, заем, лизинг, банк гарантиясе) рәсмиләштергәндә поручитель була.
Татарстан эшмәкәрләре Татарстан Республикасы Гарантия фонды сайтында, +7(843)293-16-94, +7(903)061-40-18 телефоннары аша, шулай ук Казан шәһәре, Мәскәү ур., 55 адресы буенча фондка мөрәҗәгать итеп гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак мәгълүмат ала ала.
Шуны билгеләп үтәргә кирәк, Россия Федерациясе Президенты Владимир Путин инициативасы белән оештырылган «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты кысаларында Татарстан Республикасында илкүләм эшмәкәрләргә ярдәм итү Татарстан Республикасы Икътисад министрлыгы карамагындагы «Минем бизнес» үзәге тарафыннан гамәлгә ашырыла.
