Татарстан Республикасы Гарантия фонды директоры Рөстәм Мөхәмәдшин 2026 елның 30 гыйнварында Казанда Эшмәкәрләр йортында үткәрелгән Татарстан Республикасы кече һәм урта бизнес предприятиеләре ассоциациясенең стратегик сессиясендә катнашты.
Татарстан Республикасы икътисадының төп тармакларыннан компанияләр вәкилләрен берләштергән чара 2026-2027 елларга бизнесны үстерү карарларын эшләү өчен гамәли мәйданчык булды.
Татарстан Республикасы Гарантия фонды директоры Рөстәм Мөхәмәдшин эшмәкәрләргә кече һәм урта бизнеска гарантияле ярдәм, гарантияле продуктлар һәм республиканың кече һәм урта эшмәкәрлек субъектлары өчен гамәлдәге ташламалы кредитлау программалары турында сөйләде.
«Без финанс оешмасы бәяләмәсе буенча тотрыклы финанс хәленә ия булган, әмма заем финанславын рәсмиләштергәндә залог белән җитәрлек дәрәҗәдә тәэмин ителмәгән эшмәкәрләргә поручительлек бирәбез», – дип билгеләп үтте ул.
Исегезгә төшерәбез, Татарстан эшмәкәрләре ташламалы программалар турында тулырак мәгълүмат белән Татарстан Республикасы Гарантия фонды сайты аша, +7(843)293-16-94, +7(903)061-40-18 телефоннары буенча, шулай ук Фондка Казан шәһәре, Мәскәү ур., 55 йорт адресы буенча мөрәҗәгать итеп танышырга мөмкин.
Татарстан Республикасында эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Мой бизнес» үзәге тарафыннан гамәлгә ашырыла.
.jpg)