2026 елның 27 гыйнварында Татарстан Республикасы Икътисад министрлыгы карамагындагы Татарстан Республикасы Гарантия фонды җитәкчелегенең ДОМ.РФ банкы вәкилләре белән эшлекле очрашуы булды.
Очрашу кысаларында киләчәктә хезмәттәшлек итү перспективалары һәм заем финанславын җәлеп иткәндә кече һәм урта эшмәкәрлек субъектларына гарантияле ярдәм күрсәтү инструментлары турында фикер алыштылар.
Татарстан Республикасы Гарантия фонды директоры Рөстәм Мөхәмәдшин республиканың кече һәм урта эшмәкәрлек субъектлары өчен гамәлдәге ташламалы кредитлау программалары, гарантия продуктлары, шулай ук кече һәм урта эшмәкәрлек субъектларына кредитлар, банк гарантияләре һәм лизинг килешүләре буенча Татарстан Республикасы Гарантия фонды поручительлеген бирү шартлары турында сөйләде.
Очрашу ахырында ике як та хезмәттәшлекнең һәм партнерлык багланышларын киләчәктә дә ныгытуның мөһимлеген ассызыклады.
Исегезгә төшерәбез, Татарстан Республикасы Гарантия фонды заем финанславын рәсмиләштергәндә финанс оешмасы бәяләмәсе буенча тотрыклы финанс хәленә ия, әмма залог белән җитәрлек дәрәҗәдә тәэмин ителмәгән эшмәкәрләргә поручительлек бирә.
Татарстан эшмәкәрләре гариза тутыра, үз бизнесларын гарантияле ярдәм алу шартларына туры килү-килмәвен тикшерә һәм ташламалы программалар турында Татарстан Республикасы Гарантия фонды сайты, +7(843)293-16-94, +7(903)061-40-18 телефоннары буенча, шулай ук Фондка Казан шәһәре, Мәскәү ур., 55 йорт адресы буенча мөрәҗәгать итеп тулырак мәгълүмат алырга була.
Татарстан Республикасында эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Мой бизнес» үзәге тарафыннан гамәлгә ашырыла.
.jpg)