Файдалы казылмалар чыгару өчен җиһазлар җитештерүче, Питрәч районының сәнәгать паркы резиденты, ТР Икътисад министрлыгы карамагындагы ТР Гарантия фонды поручительлеге белән җитештерүне үстерүгә 4 млн сумга якын акча җәлеп итә алды.
«Нефтехиммаш» НПП» җаваплылыгы чикләнгән җәмгыятенә 1995 елда нигез салынган. Компания нефть-газ, машина төзелеше һәм химия сәнәгате өчен продукция җитештерүче күп профильле предприятие.
2025 елда җитештерүне үстерү өчен Татарстан җитештерүчесенә заем финанславы кирәк булды, әмма аны рәсмиләштерү өчен компаниянең залог белән тәэмин ителеше җитәрлек дәрәҗәдә булмаган.
Эшмәкәргә Татарстан Республикасының Гарантия фонды ярдәм итте, ул «Стандартный» гарантия продукты кысаларында килешү буенча 1,95 млн сумлык поручительлек бирде.
Гарантияле ярдәм нәтиҗәсендә Татарстан җитештерүчесе ТР Эшмәкәрлекне яклау фондына 3,9 млн сум күләмендә займ рәсмиләштерде һәм алынган акчаларны җиһазлар сатып алуга юнәлтә алды.
Яңа егәрлекләр предприятиегә җитештерүчәнлекне арттырырга, продукциянең югары сыйфатын тәэмин итәргә һәм файдалы казылмалар чыгару өчен җиһазлар базарында позицияләрен ныгытырга мөмкинлек бирде.
Бүгенге көндә компания үзенең фәнни һәм җитештерү базасы булган предприятие. Чыгарыла торган продукция серияле рәвештә җитештерелә һәм Россия Федерациясе һәм Казахстан нефть компанияләре скважиналарында кулланыла.
Татарстан Республикасы Гарантия фонды республиканың кече һәм урта бизнесына актив ярдәм күрсәтүен дәвам итә, кредитлар һәм заемнар буенча поручитель булып тора. Бу җирле җитештерүчеләргә элек залог белән тәэмин итү җитмәү сәбәпле ирешеп булмый торган проектларны гамәлгә ашырырга мөмкинлек бирә.
Шуны да билгеләп үтәргә кирәк, Россиядә теркәлгән, әмма Татарстанда бизнесы булган эшмәкәрләр шулай ук «Нәтиҗәле һәм конкурентлы икътисад» илкүләм проекты кысаларында күрсәтелә торган ТР Гарантия фонды ярдәменнән файдалана алалар.
Дәүләт ярдәме һәм Татарстан Республикасы Гарантия фондының ташламалы гарантия продуктлары турында тулырак мәгълүматны +7(843)293-16-94, +7(903)061-40-18 телефоннары аша, Бердәм контакт-үзәктә +7(843)524-90-90 телефоны буенча, шулай ук турыдан-туры ТР Гарантия фондына түбәндәге адрес буенча: Казан шәһәре, Мәскәү ур., 55 йорт мөрәҗәгать итеп алып була.
Эшмәкәрләргә ярдәм шул исәптән ТР Икътисад министрлыгы карамагындагы «Мой бизнес» төбәк үзәге тарафыннан да гамәлгә ашырыла.
.jpg)