2026 елның 10 февралендә Татарстан Республикасында социаль-икътисадый тотрыклылыкны тәэмин итү буенча Оператив штабның һәм Татарстан Республикасы Икътисад министрлыгы коллегиясенең 2025 елда республиканың социаль-икътисадый үсеше йомгакларына һәм 2026 елга стратегик юнәлешләрне формалаштыруга багышланган уртак утырышы булды.
Чара Идел буе дәүләт физик культура, спорт һәм туризм университеты мәйданчыгында Татарстан Республикасы Рәисе Р.Н. Миңнеханов катнашында үткәрелде.
Татарстан Республикасы Икътисад министрлыгына караган Татарстан Республикасы Гарантия фонды, Татарстанда кече һәм урта бизнеска ярдәм институтларының берсе буларак, йомгаклау коллегиясендә катнашты.
2025 елда ТР Гарантия фондының гарантия ярдәменнән 410 эшмәкәр 2,6 млрд сум алып файдаланган, бу аларга 8,7 млрд сумлык заем финанславын җәлеп итәргә мөмкинлек биргән.
Йомгаклау коллегиясе барышында спикерларның берсе, «Эвакем Технологии» ҖЧҖ директоры Илдус Минһаҗетдинов, актив дәүләт ярдәме нәтиҗәсендә, үз компаниясен үстерүнең уңышлы тәҗрибәсе белән уртаклашты. Татарстан Республикасы Икътисад министрлыгының һәм Татарстан Республикасы Гарантия фондының төп ролен ассызыклап, ул әлеге ярдәм предприятиегә облигацион финанслау һәм цифрлы финанс активлары буенча Татарстан Республикасының пилот проектында катнашырга мөмкинлек биргәнен билгеләп үтте.
Исегезгә төшерәбез, Татарстан Республикасы Гарантия фонды заем финанславын рәсмиләштергәндә финанс оешмасы бәяләмәсе буенча тотрыклы финанс хәленә ия, әмма залог белән җитәрлек дәрәҗәдә тәэмин ителмәгән эшмәкәрләргә поручительлек бирә.
Шунысын да билгеләп үтәргә кирәк, Татарстан эшмәкәрләре гариза тутыра, үз бизнесларын гарантияле ярдәм алу шартларына туры килү-килмәвен тикшерә һәм ташламалы программалар һәм финанс базары инструментлары турында Татарстан Республикасы Гарантия фонды сайты аша, +7(843)293-16-94, +7(903)061-40-18 телефоннары буенча, шулай ук Фондка Казан шәһәре, Мәскәү ур., 55 йорт адресы буенча мөрәҗәгать итеп тулырак мәгълүмат алырга мөмкин.
Татарстан Республикасында эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Мой бизнес» үзәге тарафыннан гамәлгә ашырыла.
.jpg)