2025 елның 17 мартында Казанның 187нче күппрофильле лицеенда Татарстан Республикасы Рәисе Р.Н. Миңнехановның һөнәри осталык буенча «Профессионаллар» Бөтенроссия чемпионаты хәрәкәте һәм инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» илкүләм чемпионаты җиңүчеләре, призерлары һәм остазлары белән очрашуы булды.
Чара кысаларында һөнәри осталык һәм инклюзив белем бирүне үстерүгә зур өлеш керткән чемпионатларда катнашучыларны һәм аларның остазларын бүләкләү тантанасы узды.
Яшел Үзән шәһәренең «Яшел Үзән муниципаль районы А.С.Пушкин исемендәге 9 нчы лицее» укучысы, «Банк эше – юниорлар» компетенциясе буенча «Профессионаллар» һөнәри осталык чемпионаты җиңүчеләре өчлегенә кергән Чулпан Миңнуллинага чемпионатта катнашканы өчен ТР Мәгариф һәм фән министрлыгының Рәхмәт хаты һәм 2 урын өчен Диплом тапшырылды.
Конкурсантканы чемпионатка әзерләүдә ТР Икътисад министрлыгы карамагындагы Татарстан Республикасының Гарантия фонды профессиональ һәм югары квалификацияле экспертлар белән берлектә ярдәм күрсәтте.
2025 елда «Профессионаллар» һөнәри осталык чемпионатында катнашучыларга чын күңелдән уңышлар һәм үз белемнәрендә ышаныч телибез!
.jpg)