Россия эшмәкәрлеге көнен бәйрәм итү кысаларында 2025 елның 26 маенда Менделеевск муниципаль районында эшмәкәрләр белән тантаналы очрашу узды.
Районның иң яхшы эшмәкәрләренә бүләкләр тапшыру тантанасы Менделеевск районы хакимияте һәм ТР Икътисад министрлыгы карамагындагы Татарстан Республикасы Гарантия фонды вәкилләре катнашында узды.
Татарстан Республикасы Гарантия фонды вәкиле, куркынычлар белән идарә итү бүлекчәсе җитәкчесе Гөлнара Сафиуллина эшмәкәрләргә хезмәтләре һәм Татарстан Республикасы икътисады үсешенә керткән өлешләре өчен рәхмәт белдерде, шулай ук бизнес–җәмәгатьчелекне ташламалы кредитлауның федераль программалары һәм үз компанияләрен үстерү өчен Татарстан Республикасы Гарантия Фондына гарантияле ярдәм күрсәтү шартлары белән таныштырды.
Ул билгеләп үткәнчә, эшмәкәрләр кредитны залог белән җитәрлек тәэмин итмәсәләр, ТР Гарантия фонды поручительлеге рәвешендә бер заемчыга 100 млн сумга кадәр һәм бәйле компанияләр төркеменә 120 млн сумга кадәр инвестиция максатларында һәм әйләнештән тыш акчаларга, башка максатларда 70 млн сумга кадәр гарантия ярдәменнән файдалана алалар. » Шул ук вакытта икътисадның өстенлекле тармакларында эшчәнлек алып баручы эшмәкәрләр өчен поручительлек өчен түләү поручительлек суммасыннан елына 1% тәшкил итә, ә башка заемщиклар өчен – елына 1,5%", – дип ассызыклады ул.
Исегезгә төшерәбез, ТР Гарантия фонды заем финанславын (кредит, займ, лизинг, банк гарантиясе) рәсмиләштергәндә финанс оешмасы бәяләмәсе буенча тотрыклы финанс хәленә ия, әмма залог белән җитәрлек тәэмин ителешкә ия булмаган эшмәкәрләргә поручительлек бирә.
Гарантияле ярдәм турында тулырак мәгълүматны +7(843)293-16-94, +7(903)061-40-18 телефоннары аша, шулай ук Фондка түбәндәге адрес буенча мөрәҗәгать итеп алырга мөмкин: Казан шәһәре, Мәскәү ур., 55 йорт.
Эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.
.jpg)