Татарстан Республикасы Гарантия фонды Биектау районы эшкуарларын кече һәм урта эшмәкәрлеккә ярдәм итүнең 2025 елда гамәлдә булган федераль ташламалы программалары, гарантия ярдәменең актуаль чаралары һәм кече һәм урта эшмәкәрлеккә заем финанслауның альтернатив инструментлары белән таныштырды.
Бизнес-бергәлекләр белән очрашу 2025 елның 15 апрелендә Биектау муниципаль районы Башкарма комитеты бинасында узды.
Татарстан Республикасы Гарантия фонды вәкиле, Бердәм кредитлау үзәге башлыгы Светлана Боброва 2025 елда эшмәкәрләр компанияләрне үстерү өчен файдалана ала торган гамәлдәге федераль ташламалы программаларның шартларын, шулай ук финанс оешмаларында заем финанславын алганда залог белән тәэмин ителеше җитәрлек булмаган кече һәм урта эшмәкәрлек субъектларына гарантияле ярдәм шартларын әйтеп үтте.
Очрашуда район эшмәкәрләре шулай ук Татарстан Республикасы Гарантия фондының республиканың кече һәм урта эшмәкәрлек субъектларына ярдәм итү өчен махсус эшләнгән ташламалы продуктлары – «МХОга ярдәм», «Даман» һәм «Интеллектуаль актив» турында белделәр.
Шулай ук Татарстан Республикасы Гарантия фонды вәкиле бизнес–бергәлекне облигацияләр һәм санлы финанс активлары кебек заем финанслауның альтернатив инструментлары белән таныштырды һәм аларның өстенлекләре турында сөйләде.
Исегезгә төшерәбез, Татарстан Республикасы Гарантия фонды заем финанславын (кредит, заем, лизинг, банк гарантиясе) рәсмиләштергәндә финанс оешмасы бәяләмәсе буенча тотрыклы финанс хәленә ия, әмма залог белән җитәрлек тәэмин ителешкә ия булмаган эшмәкәрләргә поручительлек бирә.
Гарантияле ярдәм алу шартлары турында тулырак мәгълүматны +7(843)293-16-94, +7(903)061-40-18 телефоннары аша, шулай ук Фондка түбәндәге адрес буенча мөрәҗәгать итеп алырга мөмкин: Казан ш., Мәскәү ур., 55 йорт..
Эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.
.jpg)