Әлмәт районы эшмәкәрләрен заем финанслауның альтернатив инструментлары белән таныштырдылар

Әлмәттә эшмәкәрләр өчен «Экспорт эшчәнлеге нигезләре. Экспортны документлар белән тәэмин итү» белем бирү семинары үтте.
Чара 2025 елның 10 июлендә «Креатив процесслар фабрикасы» күп функцияле креатив яшьләр киңлеге территориясендә узды.

Экспертлар Әлмәт районы эшмәкәрләре белән бергә тышкы–икътисади эшчәнлек алып баруга бәйле мәсьәләләрне, шул исәптән тышкы сәүдә контрактларын төзү үзенчәлекләрен, тышкы сәүдә килешүләрен үтәү ысулларын, экспорт контролен документлар белән тәэмин итүне карадылар, шулай ук Татарстан Республикасы кече һәм урта эшмәкәрлек субъектларына ярдәм итүнең актуаль чаралары турында фикер алыштылар.



Чараның спикерларының берсе Татарстан Республикасы Гарантия фонды вәкиле, бердәм кредитлау үзәге башлыгы Светлана Боброва булды, ул бизнес–бергәлеккә 2025 елда эшмәкәрләр компанияләрне үстерү өчен файдалана ала торган гамәлдәге федераль ташламалы программалар шартлары турында сөйләде.



Ул шулай ук кече һәм урта эшмәкәрлек субъектлары, шул исәптән экспортка юнәлтелгәннәр өчен гарантияле ярдәм шартларын да атады, ул «Нәтиҗәле һәм конкурентлы икътисад» илкүләм проекты кысаларында Татарстан Республикасы Гарантия фонды тарафыннан гамәлгә ашырыла.

Бизнес-бергәлек шулай ук облигацияләр һәм цифрлы финанс активлары кебек заем финанслауның альтернатив инструментлары белән танышты.

«Цифрлы финанс активлары – ул заманча инструмент, ул блокчейн технологияләрен кулланып, цифрлы платформалар аша финанслауны җәлеп итәргә мөмкинлек бирә. Бу технологик трендлар алдынгысында булырга теләгән компанияләр өчен аеруча актуаль», – дип өстәде Светлана Боброва.

Финанс оешмаларында заем финанславын алганда залог белән тәэмин ителеше җитәрлек булмаган эшмәкәрләр файдалана ала торган гарантияле ярдәм турында, шулай ук финанс базары инструментлары турында тулырак мәгълүматны +7(843)293-16-94, +7(903)061-40-18 телефоннар буенча белешергә яисә Казан ш., Мәскәү ур., 55 йорт адресы буенча мөрәҗәгать итеп алырга мөмкин.

Эшмәкәрләргә ярдәм шулай ук ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.