Татарстан Республикасы Гарантия фонды поручительлеге рәвешендә гарантияле ярдәм Яр Чаллы шәһәрендәге гидравлик җиһазлар җитештерү предприятиесенә үз проектын тормышка ашырырга ярдәм итте.
Гидравлик җиһазлар җитештерү буенча «КамаФлекс» предприятиесе 2016 елда Яр Чаллы шәһәрендә оештырылган.
2016 елда компаниягә нигез салучы Александр Сенаторов үз акчалары хисабына авыл хуҗалыгы һәм төзелеш техникасында кулланыла торган беренче гидравлик детальләр җитештерелгән беренче җиһаз сатып алган.
Соңрак, 2018 елда, элек Кытайдан сатып алына торган импортны алмаштыра торган продукцияне сыйфатлы итеп чыгарырга мөмкинлек бирә торган җиһазлар сатып алынды.
2019 елда компания Татарстан Республикасы Чаллы шәһәренең «Үсеш» сәнәгать паркы резиденты булды.
2024 елда предприятие Татарстан Республикасы Икътисад министрлыгы карамагындагы Татарстан Республикасы Гарантия фонды ярдәменнән файдаланды, аңа 66,3 млн сум күләмендә поручительлек бирелде, бу компаниягә үз проектын гамәлгә ашыру кысаларында җиһазлар сатып алу өчен Россия Федерациясе сәнәгатен үстерү фонды займын кире кайтаруны тәэмин итү өчен 132,5 млн сумлык «Банк гарантиясен» җәлеп итәргә мөмкинлек бирде.
Бүгенге көндә «КамаФлекс» компаниясе махсус, авыл хуҗалыгы, төзелеш һәм юл техникасында кулланыла торган югары басым системалары өчен гидравлик кушылмалар җитештерүче булып тора. Компания төзелгән килешүләр буенча йөкләмәләрне үтәү өчен җитәрлек җиһазлар паркына ия.
Компаниянең планнарында җитештерүне киңәйтү дә, продукция ассортиментын арттыру да бар.
Исегезгә төшерәбез, Татарстан Республикасы Гарантия фонды заем финанславын (кредит, заем, лизинг, банк гарантиясе) рәсмиләштергәндә финанс оешмасы бәяләмәсе буенча тотрыклы финанс хәленә ия, әмма залог белән җитәрлек тәэмин ителешкә ия булмаган эшмәкәрләргә поручительлек бирә.
Татарстан Республикасы Гарантия фонды сайтында һәм Телеграм-каналында, +7(843)293-16-94, +7(903)061-40-18 телефоннары буенча, шулай ук Фондка Казан шәһәре, Мәскәү ур., 55 йорт адресы буенча мөрәҗәгать итеп эшмәкәрләр гариза бирә, үз бизнесларын гарантияле ярдәм алу шартларына туры килү–килмәвен тикшерә һәм ташламалы программалар турында мәгълүмат ала ала.
Эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.
.jpg)