2025 елның 26 июнендә Казанда Бәшир Рәмиев исемендәге ИТ–парк мәйданчыгында эшмәкәрләр өчен Татарстан Республикасы Икътисад министрлыгы ярдәмендә оештырылган «Бизнес Фест» масштаблы чарасы узды.
Татарстанның 2 меңнән артык эшмәкәре тәҗрибә уртаклашырга, уңышлы кейслар белән танышырга һәм бизнеста заманча трендлар турында белергә мөмкинлек алды.
.png "Picture (90).png")
Татарстан Республикасы Икътисад министрлыгы карамагындагы Татарстан Республикасының Гарантия фонды чара партнерлары күргәзмәсендә экспонент булды, аның барышында «Нәтиҗәле һәм конкурентлы икътисад» илкүләм проекты кысаларында гамәлгә ашырыла торган кече һәм урта бизнес субъектларына гарантия ярдәме күрсәтү мәсьәләсе буенча Татарстан бизнес–җәмәгатьчелеге белән берничә консультацион сөйләшү уздырды.
.png "Picture (93).png")
Шулай ук Татарстан Республикасы Гарантия фондының Бердәм кредитлау үзәге вәкилләре эшмәкәрләрне 2025 елда компанияләр үсеше өчен файдалана алырлык гамәлдәге федераль ташламалы программаларның шартлары, облигацияләр һәм санлы финанс активлары кебек заем финанслауның альтернатив инструментлары һәм аларның өстенлекләре белән таныштырдылар.
Гарантияле ярдәм һәм финанс базары инструментлары турында тулырак мәгълүматны +7(843)293-16-94, +7(903)061-40-18 телефоннары буенча, шулай ук Фондка түбәндәге адрес буенча мөрәҗәгать итеп белергә мөмкин: Казан шәһәре, Мәскәү ур., 55 йорт.
Эшмәкәрләргә ярдәм шулай ук ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.
.png "Picture (94).png")
.jpg)