Менделеевск районы эшмәкәрләренә бизнеска ярдәм итү чараларын тәкъдим иттеләр

2025 елның 17 июлендә Менделеевск районында эшмәкрләр җәмгыяте белән чираттагы очрашу узды.

Чаралар барышында бизнес-бергәлек кече һәм урта эшмәкәрлек субъектларына ярдәм итүнең актуаль чаралары, шулай ук салым салуның гадиләштерелгән автоматлаштырылган системасын куллану шартлары белән танышты.

Татарстан Республикасы Икътисад министрлыгы карамагындагы Татарстан Республикасы Гарантия фонды чарада катнашты һәм эшмәкәрләр алдында ВКС режимында чыгыш ясады.



Татарстан Республикасы Гарантия фондының Бердәм кредитлау үзәге башлыгы Светлана Боброва үз чыгышында эшмәкәрләргә кече һәм урта бизнеска ярдәм итү өчен гамәлдәге федераль ташламалы программалар турында, шулай ук компанияләр үсешенә заем финанславын алганда эшмәкәрләр файдалана ала торган гарантияле ярдәм турында сөйләде.



«Кредитны үз залоглары белән җитәрлек тәэмин итмәгәндә, компанияләр ТР Гарантия фонды поручительлеге рәвешендә гарантия ярдәменнән бер заемчыга 100 млн сумга кадәр һәм бәйләнешле компанияләр төркеменә инвестиция максатларына һәм әйләнештән тыш акчаларга 120 млн сумга кадәр, башка максатларга – 70 млн сумга кадәр файдалана алалар», – диде ул.

Шулай ук ул бизнес–бергәлекне облигацияләр һәм цифрлы финанс активлары кебек заемлы финанслауның альтернатив инструментлары белән таныштырды һәм аларның өстенлекләре турында сөйләде.

Эшмәкәрләргә шулай ук үз бизнесларын Татарстан Республикасы Гарантия фонды сайты аша гарантияле ярдәм алу шартларына туры килү-килмәвен тикшерергә, шулай ук түбәндәге телефоннар буенча тәфсилле консультация алырга тәкъдим ителде: +7(843)293-16-94, +7(903)061-40-18.

Эшмәкәрләргә ярдәм «Нәтиҗәле һәм конкурентлы икътисад» илкүләм проекты кысаларында ТР Икътисад министрлыгы карамагындагы «Минем бизнес» төбәк үзәге тарафыннан гамәлгә ашырыла.